കാര്യങ്ങള്
പകലിന്റെ
വിരഹമുണ്ട്
ഓരോ ഇലയനക്കങ്ങളിലും
സൂര്യന്റെ ഹൃദയം മിടിക്കുന്നുണ്ട്
രാവിന്റെ
ഓരോ കൊള്ളിവെപ്പിലും
കൂട്ടം തെറ്റിപ്പോയ
പ്ലൂട്ടോയുടെ കണ്ണിളക്കമുണ്ട്
മഴയുടെ ഓരോ നിറപ്പെയ്ത്തിലും
മേഘ സഞ്ചാരങ്ങളുടെ
വിരഹമുണ്ട്വെയിലിന്റെ
നാണയത്തിളക്കത്തില്
അനാഥരുടെ
വിയര്ക്കാത്ത പനിയുണ്ട്
അടര്ത്തിയെടുത്ത
ഓരോ കല്ലിനും ചോടെ
ഉറുമ്പ് തീനികള് ക്കറിയാത്ത
യുദ്ധ രഹസ്യങ്ങളുണ്ട്
അറുത്തു വില്ക്കപ്പെടുന്ന
കുന്നിന്റെ ഗര്ഭ -
ഗൃഹത്തില് നിന്നും
അരുവികളുടെ കണ്ണീര് ജാഥ
പുറപ്പെട്ടു പോവുന്നുണ്ട്
അടിവാരങ്ങള് മുക്കി
നിറഞ്ഞുയരുന്ന
അണയൊരുക്കത്തില്
അടിയാളന്റെ
ഞരമ്പുകള് വലിഞ്ഞു
പൊട്ടുന്നുണ്ട്
പഴയത് പോലല്ല
കാര്യങ്ങള്
പാരമ്പര്യത്തിന്റെ
ചവിട്ടി ത്തിരുമ്മലിനു
പുതിയ മര്മ്മങ്ങള്
ആവശ്യമുണ്ട്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ